何澤堯復出贏天久

魑魅魍魉

雖然方嘉柏早排走咗去峇里，昨日未能入場督師，但絕無影響馬房攻勢，柏廐分別憑『金堡龍華」及「天久」起孖，目前只落後蔡約翰七W，爭奪練馬師冠軍仲未絕望。
       
天久臨場落飛大熱取勝，收復前失。
方嘉柏仲有得追

先為方嘉柏揭開贏馬序幕的「金堡龍華」，上仗轉馬房首戰於千四米鎩羽而歸，今趟縮回跑勝途田草千二兼換上普萊西順利補中，爆出近十倍冷門，馬房部署值得一讚。
       

至於尾場的「天久」，昨日初跑千四米重配刑滿兼傷愈復出的愛徒何澤堯，結果此子不負所託，順利替此匹大熱門補中，人馬表現值得一讚。賽後「天久」的馬主張福滔醫生對愛駒評價甚高，他說：「『天久』畢竟只得三歲，今場初上千四依然力壓對手，前途無可限量。來季我相信牠扳上一哩亦無問題，希望可以向大賽進軍。」