日月暉華梁定華笑住睇

魑魅魍魉

主帥都爾停賽五日，要下次賽事才放監，梁定華期間冇啖好食，頭馬欠奉之餘，仲要做埋觀眾睇住韋達同柏寶鬥數胡。明晚華哥終於要搵柏寶襄助以止頭馬荒，騎者將策華廐「喜相逢」及「日月暉華」兩駒，季中都爾停賽，練者曾搵過柏寶贏「好運精選」，默契早已建立。昨晨七時半柏寶過檔「日月暉華」，於大圈與退役馬拍跳八百米，期間華哥在烽火台地下全程笑住睇，對整課操練似乎非常滿意，課罷練者立即趕赴機坪接馬，並細心聽取柏寶匯報，動態唔簡單。