賠率有路捉 喜蓮智星變身

魑魅魍魉

　　全日早飛最古怪嘅馬一定係尾場1400米「喜蓮智星」，嚟香港跑兩仗，首戰跑第十四，次仗喺同程亦跑第十，試問邊有人會睇好呢隻馬，最厲害係上仗仲係99倍大冷，但噚日早飛居然係55蚊大熱，位置11蚊，好明顯有人極之睇好，睇番呢件綵衣過往出過唔少名駒，佢都可能有極高質素，且看係咪真係飛到馬到，立即大變身﹖

   　 第二場「旭之光」早飛亦好硬淨，只係得86蚊W，26蚊P，以一匹田草七戰全負嘅盲門馬嚟講，真係好突然，但係佢今仗係轉告廐初出，眾所周知呢個馬房嘅轉倉馬好醒，要睇高一線。

　　騎師王方面，韋達手馬「一路奇兵」、「安鞍」、「安御」同「川河勁駒」惡到不得了，足夠佢稱王，十幾蚊好合理，有買趁手。

周仲