洪禮賢講馬YIN''''S TALK：時間唔會呃人

港陌

　　時間唔會等人，就算三歲小朋友都知道，但時間會唔會呃人？這點就值得商榷。如果隨着時間溜走，也不會在你身上着迹，可能你是《吸血新世紀》的羅拔才有可能！當然打Botox則作別論。亦唔排除係天生麗質，五十歲的內膽，軀殼像廿歲，不過卻萬中無一吧。

　　至於在賽事中的時間又會唔會呃到人？正常情況之下，時間係最誠實，最唔識包裝自己，坦蕩蕩讓大家睇晒，尤其目前馬會有晒各駒分段時間，一切也赤裸裸活現眼前，當然，如何「鑑賞」時間，各人也有不同處理方法，但總係離唔開比較的框框。

　　攞個實際例子，在二月三日當晚谷草有4場1650米賽事，三四班各設兩場，暫且放低賽事的總時間唔好計，純粹比較那4場尾段時間，4駒最快順序係「金碧亮馬」、「易搏贏」、「勝任有餘」和「福到多多」，而4駒之中，僅得「勝任有餘」不入三甲（跑殿軍輸兩個身位）。

勝任有餘唔嘢小

　　但另一方面，4駒當中，當時只係得佢之前未跑過快活谷，路程最長亦不過1200米，而呢場仲係佢插班嘅第二回合咋！三歲馬有本事做出超高難度動作，佢所造嘅時間，完全毫無保留咁在我們眼前出現，實力完全曝光，所以呢匹馬之後連贏3場谷草1650米，事後睇番又確實係合情合理噃。若然冇估計錯誤，「勝任有餘」就算三捷後加到68分，要喺三班角逐，仲有得贏。

■洪禮賢　馬會賽馬節目主持