一日一餐都爾冇啖好食

魑魅魍魉

騎師出名身形苗條，但係經過抖暑「放縱」自己，唔少人都出現超磅情況。好彩佢哋因為本身職業問題，識得自動自覺去做運動同節食修身，雖然佢哋嘅做法未必人人啱用，但係都有一定嘅參考價值。
       
都爾

向來屬於重磅騎師嘅都爾，暑假同老婆囡囡返愛爾蘭吃喝玩樂，返到香港成個人好似大咗兩個碼咁款，脹爆嘅佢唔好意思透露目前實際體重，不過就話肯定超過130 磅。都爾寫包單自己一定可以喺開鑼前減番落120磅樓下，事關佢由復課開始，已經每日只食晚餐，其餘時間完全唔食嘢。一日食一餐，普通人肯定頂唔順，但係都爾話自己絕對冇問題。人嘅體質因人而異，太肥當然唔好，不過醫生話唔食嘢唔係健康嘅減肥方法，大家千祈唔好亂學都爾逼自己一日只係食一餐，對佢嘅做法當知多樣嘢算啦！
       
勞愛德：食飽飯再搏過！（設計圖片及對白）
潘頓一操就跌磅

潘頓暑假返嚟身形雖然冇都爾咁脹爆，但係體重都去到130磅，佢講到明自己唔會刻意節食，事關佢比較得天獨厚，只要騎番馬，體重就會慢慢跌番。不過依家距離開鑼得番一星期，睇嚟佢要做多啲運動同焗桑拿先嚟得切，否則場場馬聽超磅都得嘞！
       
潘頓：依家盡情食，開季先減都未遲！(設計圖片及對白）
德叔湊仔減肥

勞愛德向來係住家男人，暑假鍾意同屋企人辛苦搵嚟自在食，雖然放完假佢只係重咗幾磅，但係佢話自己年紀大，新陳代謝比較慢，要迅速減磅唔係咁易。佢諗到一個好方法，就係喺香港大熱天時，晏晝同兩個囝囝出去戶外玩，須知佢兩位小公子精力充沛，喺卅幾度高溫之下同佢哋癲一輪，真係唔使做運動都減到肥。