洪禮賢講馬：傑出君子 落雨仲勁

魑魅魍魉

　　第九場三班1400米。「傑出君子」上季尾初跑三班即遇阻力，要知道，該場去到拉士400米，最前嗰對馬最終包Ｑ，直路唔易大幅提升名次，所以，係咪唔夠班，真係兩睇。講到今季嘅準備，做得幾足先至上陣，進度嚟得唔錯，硬要挑剔的話，試跑時久唔久仍見馬頭唔自然咁擺動，但已比上季有改善；明日或會落雨，若場地受影響，對佢幫助最大，係咪三班冇碇企，呢場應該有定案。

　　第十場二班1400米。「快樂小子」嚴格嚟講，有新鮮感都有啲驚1400米會追唔切。如果要秤實力，上季尾一跑番合適路程差啲贏到，已經證明處虛分期。練者亦冇話因為覺得隻馬超級，而在準備上做唔夠，相反，有晒大閘、拍跳等，睇番佢大閘尾段自動波湧上嘅勢頭，更係人見人愛。呢次終於用到柏寶，從配搭亦表明對首戰的態度。