高清睇跑馬：浪漫添馬 五班無敵

魑魅魍魉

　　「浪漫添馬」離巢沈廐前已上名，質新馬踏入正軌，苗禮德接手一聲唔該首戰即勝，該戰為上季總場次617谷草五班1650米，八檔起步後三扒兩撥已進佔好位，轉彎鬆韁已見好反應，入直路催策衝刺凌厲，輕描淡寫大勝兩個多身位，贏來超級。

　　接戰總場次670谷草五班1650米，備受追捧，可是潘頓老貓燒鬚，以為大把在手，遲遲未肯落鞭，以致僅獲亞軍，也因為發揮欠佳，翌仗總場次 732五班田草1600米，幕後決定換人上陣，或許轉戰田草關係，未能採取均速戰術，最致命是該役步速慢得誇張，頭三段為25.1、23.0、23.8 秒，結果慘被「駕世鞍」偷雞放到。「浪漫添馬」劣勢追入亞軍，絕非易事，明日繼續出戰五班賽事，難有對手。

八發八中分利

　　另外，「八發八中」上季用了大半時間減分，直至總場次583才出擊，該仗出戰四班泥地1650米跑第三，接住總場次647同班同程，進一步殺入Q腳，本身跑出時間比之前一仗快近一線，尚要在濕快地上造出，可謂了不起。

　　到了去季最後一戰總場次713同班同程，掛牌為濕慢場地，當日也落着大雨，牠大部分途程在內檔食泥，難得未有因此卻步，反而入直路兜出外檔衝刺，若非頭馬「勁快」佔盡先機，分分鐘名次調轉。上述三戰說明「八發八中」現時評分極有優勢，季初首戰有新鮮感出戰1200米必可勝任，有力報捷。

Sam

2010年7月4日　總場次：732　五班田草1600米
跑道：田草C+3欄　場地：好地

　　【賽事實況】「浪漫添馬」出閘反應一般，馬偉昌唯有選擇留前鬥後，全程跟在中間位置，超班馬本來影響不大，然而該戰步速太慢，但入直路仍交出強橫後勁，力拼跑入亞軍。