借題發揮：蔡廐叠馬係時候開齋 勁高手加程有利

猪拉多纳

　　貴為冠軍練馬師， 嚟到季內第5個回合，如果仲係冇頭馬贏，真係幾意外，當然啦，依家一季跑夠83期，區區頭幾期賽事，根本唔使急，可能亦唔到蔡約翰急，旗下馬未夠狀態，想搏都冇得搏，事實上，如果睇佢對上幾季，一係就快快手喺第1回合搞掂，如果唔係通常要等到第5、6期！

　　平心而論，阿蔡呢次出馬係今季最多1期，如果唔係有手影，脆脆哋出幾隻咪算，唔使刻意打腫塊面扮闊佬！出咁多，冇可能全部係想熱身，如果真係，只怪阿Jack諗得太美滿！

　　瞄一瞄，最駕勢嗰兩匹馬，肯定係「勁高手」同「好利利」，前駒啱啱至跑完，匆匆再出，明顯係配合今日攻擊而嚟，咁根據上場表現，如果今日仲跑1200米，肯定嫌短，邊使放佢在眼內，好在廐主肯加程，1400米必然好追得多，今場應該可以贏番場。

　　「好利利」三班肯定未到頂，上唔上到一班，真係好睇進度，不過，躋身二班行列，完全睇唔到會有阻礙。始終都係一匹從未失三甲之馬，往績顯示到每次出賽，一定會有把握，所以就算重磅，依然睇高一線。

Jack