高清睇跑馬：秘密行動一哩首本

港陌

　　「秘密行動」每季至少贏一場，前季最威水，贏夠兩場另加四席位置，上季只贏一場，不過勝在一擊即中，亦係繼前季兩捷之後，再一次在谷中一哩建功。上季總場次130，「秘密行動」配潘頓，當時是人馬首次合作，四檔起步形勢不俗，潘頓卻藝高人膽大，起步後專登拖住留前鬥後，全程跟在尾二、三位，600米開始逐步加速，轉彎未有抄出外檔，寧願走中檔等位，結果直路上順利搵到好位展開強勁衝刺，仲要負131磅跑出快時間。其後連仗減分，周四谷草日賽重返二班，優勢復現，再跑首本路程可重施故技。

大進里程未盡

　　「大進」上季初跑谷中1200米即得第四，試準接戰總場次153立即打開勝門，可惜小方計錯數，之後連續三戰跑田草1400米，衝力短之馬，田草長直路不合發揮，結果僅得一亞，兜了一大個圈，總場次564跑番谷中1200米，路合果然重開勝門，及後三戰多取一冠一亞，落第一仗為總場次658，一來排九檔沿途走外叠，二來黏地不利後追。到煞科戰765場，大熱門僅得亞軍亦有點失望，然而跑出1分9秒3，比起之前每一仗都快，反映水準極高，本身繼續進步，里程未盡，周四出戰1200米，穩健馬膽。

Sam