楝悉先機：威力高條件非常好

猪拉多纳

　　沒有韋達及柏寶的日子，唔會悶親我哋，只係驚冷親。 而身邊友人話，冇佢兩個，通常係阿滇、勞愛德、蔡仔發威居多，阿棟一向冇去研究呢類嘢，今期係咪正如友人所講，上述三人叻晒，攤路唔清楚，但有部分細路仔嘅坐騎，如楊明綸及梁家俊，就真係咪睇小，其中前者好幾場賽事，睇落都係佢打晒骰！

　　第六場四班1650米。「威力高」初出搵場短途嚟跑，主要係為咗熱身，路程完全唔啱，唔大敗都偷笑，仲要尾段唔係冇追勢，咁至係難得。

　　好嘞，跑咗1場即刻返番唯一上名路程，又降入四班兼抽到1檔，條件經已襯到絕，睇嚟呢場好有機會打開勝利之門。

　　第八場三班1800米。「非常好」今季閹後成績有起色，上場在同程跑入第三，如果比較這兩場的對手，此批的確比上仗略遜，從而令牠的競爭力加強。由於望落今場有唔少馬會走，對後上跑法嘅佢，形勢好有利。呢隻上屆打吡馬，落到呢類賽事，只要夠狀態，卡士真係高晒。

　　第九場三班1200米。「開心自在」轉倉初出已經跑得幾好，如果唔係方仔只係接手咗一陣，畀多啲時間佢撚吓，可能第一仗已可上名。

　　其實，我又冇正式統計過，但記憶中，方仔唔少轉倉馬都係第二仗交代到，今季先後有「私家路」、「心路」，所以此馬都有咁嘅可能，當然，論能力呢匹馬亦唔係人咁品，三班唔會留到佢，睇吓幾時征服埋二班吧！

陳華棟

點買法

　　今日幾個華將之中，我就捧硬楊明綸， 初頭諗過買佢騎師王，但得3倍冇乜肉食， 所以不如買條小楊獨贏2x 3，「八飛」搭「威力高」，中1隻已封蝕本門有凸。至於買Q 就揀第六場，因為「威力高」賠率好分關係， 拖多幾隻配腳都唔犯本，可以諗吓(4)、(5)、(6)、(11)。