楝悉先機：倫到伽羅食尾胡

魑魅魍魉

　　今日阿棟一於攬住白德民唔放手，本來已覺得佢多惡馬，仲要因為都爾唔騎得，整多兩匹馬佢跑，出馬滿晒額，套用現今潮語，真係好「爆」！望望佢隔夜騎師王賠率，雖然係一命博一命，得一隻鴨仔（兩倍），嚴格嚟講，算係唔錯嘞，有買真係要趁手，遲咗一兩場先買，可能得番十一、二蚊都唔定。

　　第一場五班1200米草地。「駿盈」現年5歲後期，但一早已停止進步，自從09年季尾贏完，季幾時間都係得個跑字，入到三甲只得一次，實力如何已不用多講。今季終於可以落到五班，形勢已好轉，今場還有1檔之助，大大加強威力，隔夜有十倍，WP諗得過。

魔法幻影係主力

　　第七場二級賽2000米草地。據馬房手足報料，「魔法幻影」先係主力，係真係假跑過至知，但呢匹馬外地賽績響噹噹，上季尾開始展現潛力，而上場只因直路一度冇位出，所以先會追唔到「歡呼星」。今次再跑長啲，其實有利無害，而呢系馬用得柏寶，點會欺場，隨時馬房包Q。

　　第十場三班1600米草地。「伽羅」上場比賽過程中受到唔少阻礙，仍可後上得殿軍，進一步顯出不凡實力，看來在目前分數有好大上升空間。由於在外地3歲已贏1450米，今次加程角逐不會有任何影響。至於安國倫，日前為此廐爆出大冷門，總算有個好開始，今次練者交此匹實力馬給他，鬥志方面不用懷疑，有權食尾胡。

點買法

　　第七場阿棟喜歡「閒話一句」，而來料就叫捧「魔法幻影」，咁就簡單，一於單棍搞掂，隔夜5倍，都可以接受。而呢場買T嘅話，要拖嘅有「火龍駒」同「至勇威龍」，應該幾單純。另外，全日重心亦喺尾，「伽羅」除咗捧W之外，Q拖「曬冷王」及「勁高手」。

陳華棟