楝悉先機：文武維揚冇阻力

魑魅魍魉

　　今晚谷草C欄C+3彎賽事，韋達復出，拍住阿航齊齊搵食，至於柏寶則唔算騎好多方廐馬，比較起上嚟，韋達坐騎實力略略優勝，且看佢能唔能夠為葉廐打破近日頭馬荒。而柏寶嘅馬之中，文廐一對最啱眼緣，賠率熱走唔甩，只要唔係低到得兩倍，仍有捧場價值。

　　第四場四班1800米。「勁好友」今季復課不算早，8、9月更兩度疏操，當時健康狀況不會好到哪裏，但近月工夫冇問題，大閘及拍跳齊備，進度應回到正軌。此駒向來在谷草長途有佳績支持，雖然全在2200米錄得，但復出跑1800米，有新鮮感之下，不會適應唔到，可作馬膽。

　　第七場三班1000米。「文武維揚」上陣3場最差得殿軍，3歲仔實力仍然是個謎，由於上場贏同程一役，時間好且姿態輕鬆，唔擔心升上三班會阻礙發展。

　　我都知「文武維揚」排咗外檔，如果睇成場形勢，早段好多馬會走，馬群可能因此拉得散，希望到時易搵位，如留放冇大錯，再贏。

蜚聲縮程OK

　　第八場三班1200米。「蜚聲」跨越兩季跑了7場田草，全部入到頭五名，準繩之中見進步，所以，由田草轉到谷草，對手再不是「精英財星」、「包裝選擇」，形勢好得多。是次加眼罩而縮程跑短途，應不會太難應付，再者，之前有超過1個月時間重新調校，儲足新鮮感，加上開縫眼罩的作用，大大減低縮程的負面影響，建議再跟進多一場。

陳華棟

點買法

　　谷草C 欄跑短途，無可否認利內檔， 所以，尾場揀「蜚聲」做膽，配腳先向佢附近之馬打主意，如「祥勝愛駒」及「海王子」。買三重彩先會諗外檔馬， 如「如願以償」、「綠色駿駒」。而玩W 除了「蜚聲」之外，因為「勁好友」十幾倍乘得起，所以「扣」埋佢。