馬場紅綠燈

魑魅魍魉

開勝門皆大歡喜

　　今季蘇保羅苦戰至上仗終開齋，賭錢最緊要跟旺門，今次一於揀選蘇廐馬捧場；其中出戰第二場四班1200米的「皆大歡喜」，上季經常力拼僅敗做阿二，這次唞夠復出即跑強項擺明搏殺，用見習生梁家俊減磅亦好跑，一W兩P應有收穫。

健少

滙名燈谷草夠照

　　方嘉柏近季成績好，尤其周不時於谷戰起孖、中三元。今晚方廐又有惡馬列陣， 最鍾意第七場「滙名燈」，本身演出好忠心，在港九戰全入前四名，其中谷草四仗更取得兩冠一亞一季，今次縮程跑1000米，忠心馬實應付到，隨時贏得。

阿光

世世無敵落班惡

　　頭場「世世無敵」上季曾喺五班一哩大勝，視「贏啲啲」及「我跑得」如無物，前駒繼後於四班仍有頭馬交出，「我跑得」則係公認嘅五班一哩實力指標；今晚「世世無敵」落五班跑贏馬路程，排五檔亦係好位，優勢明顯宜贏位兼投。

王其