楝悉先機：好兄弟後上殺敵

港陌

　　今晚賽事喜歡華將嘅坐騎，像鄭雨滇、何澤堯兩位，當中後者在今期賽事得到幾個大倉撐，除了師父方嘉柏之外，阿航同Derek（告達理），都有實力馬交畀佢搏，最後結果得與失，要睇細路仔點樣發揮，呢點恕阿棟預計唔到，但睇佢嘅坐騎份量，有權起孖。

　　第三場四班1650米。「雪山神駒」由上季轉告廐開始，一直冇跑過其他路程，集中火力爭谷草1650米，成績唔算理想，只得一席Q腳，但該役僅以鼻位見負，而目前分數與當時一樣，照道理，再減埋何澤堯的10磅，唔會冇優勢。而隻馬熱身之後做咗好多嘢先出，看來目標在今場。

萬里駒減磅放到

　　第五場第三班1200米。「萬里駒」季內跑兩場俱為谷草1200米，前仗因外檔起步關係，沿途跑得好蝕，尚且輸得不遠已及格。上場8檔大半途程走二叠，其實也不覺有形勢之利，不過，最後壓線才輸給「聖河」，卻可輕易拋開新勝嘅「勁有盈」，這場亞軍甚有水準。今仗排到5檔，按理不會沒有形勢，更有 10磅可減，放頭的威力進一步增大。

　　第八場三班1650米。「好兄弟」上場如不是陣上受意外影響，斷不會只得梗頸四。事實上，此匹中年馬，對上兩回的演出幾好，看來目前正處作戰期，一日未交代，應不會退縮。是場估計有不少主動跑法之馬，對此駒好着數，只要小將做妥留放，不難後上殺敵。

點買法

　　今期一於捧何澤堯， 睇佢喺騎師王得幾倍，有晒墊底飛。重心Q揀第三場，「雪山神駒」不二之選，正路腳梗係（7）、（9） ，當然，睇過上場走勢， （10）亦係爭勝分子。呢條一拖三，感覺上係金線吊芙蓉咁滯！獨贏過關則用「雪山神駒」射「萬里駒」，買條二串三。

陳華棟