高清睇跑馬：確威星明刀明槍

魑魅魍魉

　　第八場三班泥地1200米，「確威星」去季一出即勝非等閒，可惜蘇保羅太急進，決意向1400及1600米進軍，結果氣量不夠連場死火，幕後也轉投文家良。經過兩仗熱身，第三戰改用新配備，加戴面箍在1400米一放絕回。

　　今季首三戰表現欠奉，但前仗改向泥地1200米一試，居然負重磅輸近，反映場地性能極佳，上仗再戰總場次224同程且加眼罩，雖然慢閘失去先機，大半程落後極多，仲要尾三入直路，最終劣勢後上贏馬。

　　睇片發現過了三百米，「確威星」要待「極速之星」移出中檔才望空，之後還在「寶貝」內側空位衝刺，鬥心非等閒。目前評66分未盡，升班孭輕磅也有利，繼續由贏馬拍檔杜利萊主轡，且再跑泥地明刀明槍，有權連捷。

濃情三班超級

　　第十場三班1600米，「濃情」外地戰績一般，來港評分也不高，豈料上季抵港首戰於總場次632田草1200米已有走勢，沿途尾隨走三四叠，轉最後彎位甚至兜出最外檔，難得蝕位極多，居然追入第四名，再睇三甲分子，「旅英駿駒」及「飛闖」之後贏馬，「蜚聲」再出第二，該戰水準極高。

　　接戰總場次728場田草1400米，不再留後，全程守在前列，跑法變得機動，結果輕易贏馬，而此戰又是一場高水準賽事，亞軍「寶貝王子」今季開鑼日掄元，甚至乎輸得遠的「千江映月」和「進取」其後也取冠、亞佳績。從上述兩戰可得知「濃情」質素極高，今季繼續在三班起步佔盡便宜，穩食2010年尾胡。

Sam