馬主論戰

港陌

電訊巨星重返勝途

　　哋隻「電訊巨星」今日上陣，呢隻馬季內跑兩仗冇表現，但前仗驗出氣管有血，上場則跑未上過名嘅谷草，可謂各有敗因；今次跑番贏馬路程田草1200米，希望可跑番出水準，半冷諗得過。

　　另外推介第七場「俊鬥仕」，上場初戴眼罩上陣，跑起嚟有板有眼，只係輸畀「川河勁駒」兩個馬位得第五，今次增程跑2000米更合發揮，贏得。

張敬山

鐳射槍轉場搏殺

　　今日我哋隻「鐳射槍」有份上陣，呢隻馬上場跑谷草2200米追入第五，走勢算唔錯，今次轉嚟跑田草2000米，搵嚟近期手風唔錯嘅紀仁安操刀，希望可以拉番一場頭馬喇！

　　另一匹心水係頭場「太陽奇妙」，季內一冠一季分別響谷草1800米同田草1800米取得，上場無端端跑直路賽可當係試閘，今次跑番1800米先係箭頭所在。

寇鴻萍、梁廷鏘

快人快語開勝門

　　東尼今日手馬好惡，我睇好佢有馬贏，先吼實第七場「快人快語」，上季來港後一直表現平平，但係季尾卻於谷草1800米爆冷入Q，證明已經適應水土。早排呢隻馬停過課，但復課後試兩次大閘都有好走勢，健康冇問題，係時候打開勝門。另外鍾意第二場「龍船快」，呢隻馬型格唔錯，早排試閘走嚟前後兼備，已經做足晒工夫，有權一出即食。

任達華