數據人生：連利福星強項起筷

港陌

　　葉楚航馬房於一月十二日贏馬之後，一直到剛戰才以「御鋒」及「佳景良駒」再添頭馬進帳，而且亦是此廐季內首度於沙田賽事起孖，搏殺手風似已轉順，跟紅頂白周三晚一於繼續揀選葉廐馬捧場。

　　今戰葉廐共有五駒列正選，其中「連利福星」繼續於強項谷草1200米上陣，自然有優先留意必要。這匹六歲馬在港首兩季合共上陣十五次，累積四冠兩亞兩季兩殿，表現相當準繩，但可能評分漸趨飽和，上季十戰下來只得兩季一殿，尤其兩戰二班賽全無表現之餘，臨場更至少是49倍的大冷門，足證幕後已有減分落班的部署。

　　今季「連利福星」評71分居三班起步，首戰在柏寶胯下出爭三班谷草1200米，臨場只得7倍便知有心出擊，結果負於「大進」頸位得第二，之後三戰集中火力再攻同程並得亞季各一，可見「連利福星」現評73分應有着數。根據資料顯示，對上兩季此駒八度列陣谷草1200米，當中只得一場不入前五名，證明今次買QT甚至四連環時，信數據最好便要兼顧牠一票。

　　「戰士」最近一場頭馬於谷草三班1200米賽事取得，當時評80分及在勞愛德胯下負133磅上陣，目前牠減至73分兼近仗連番於田草後追不俗，這次轉場而臨係時候想贏馬交代，值得跟「連利福星」齊齊作為投X重心。

歐陽志恆