楝悉先機：駕世仔 柏寶顯技藝

港陌

　　今晚落唔落雨，對賽果有好大影響，唔係講廢話，A欄利追，部分練馬師會派實力馬上場，所以，熱門馬會比較佔上風，但因為冇可能預計到地慢，隨時一場雨浸晒，總之，一字記之曰：「雨」，冇雨就劈得，大注啲唔怕，如果有雨，雞仔注好嘞。

　　第一場四班1200 米。「卡加精神」今季大部分時間在三班坐馬監，頭4 場最叻都只係有獎金收，但上場回降第四班，就算跑路短嘅1000 米，一樣有第五名，證明班次唔同，令競爭力返番嚟。今場回到曾勝路程，賽前有做嘢，而排檔又好，冇乜挑剔地方。

　　第二場四班1650 米。「駕世仔」今次冇辦法唔轉人騎，一次又一次喺同程，末段都係因為何澤堯舞唔掂先會輸。有時為求減磅用細路仔，就係有呢類風險，所以，小方撞過兩次板，呢次都係用番柏寶，冇磅減但配搭可靠，好明顯已擺出必拼決心。以佢之前僅輸短馬頭位畀「可愛人生」，四班一定超，獨贏過熱就預咗，但勝在穩陣，可作全晚重心。

漸信良駒演出準

　　第三場四班1650米。「漸信良駒」雖然係處女馬，但陣上演出好過好多高班馬，跨季跑10場，5亞3季1殿，唔係馬王級嘅馬，亦未必有佢咁準！呢次升上三班跑，韋達超重兩磅都要騎，真係用心良苦，希望115磅夠輕，可以衝贏晒一批班內路程專家。

點買法

　　再一次提醒大家， 如果冇雨、場地正常， 先好下重注， 落住雨跑馬， 就不妨「一毛不拔」。至於個人心水W， 最鍾意「駕世仔」， 重心Q 亦揀埋同一場，搭埋第三場， 熱熱哋，希望過晒。

資深評馬人　陳華棟