金石盟專欄：包裝選擇一身是勁

猪拉多纳

　　昨晨跳馬細水長流，六時過後多位大師傅到場，場面才開始稍見熱鬧，草地千八米開放供馬匹試跑或彈閘，惟只得兩匹有賽程馬參試。

　　「包裝選擇」白德民試八百米，動作靈巧，過直路一身是勁，成熟程度更進。

　　「喜蓮智星」副練試八百米，步整有力，體格強健，神采奕奕，狀態有進冇退。

　　「勁闖駒」蔡明紹試八百米，翻步快捷，勁力貫注，體力冇問題，勇況持續有餘。

　　 「歡欣星」梁明偉試八百米，副練策「摯寶」佔先乘多帶放引導，直路上均加快步伐，外檔的「歡欣星」輕輕推騎下反應不俗，未落下風，懶性大減，成熟勝前，進步良多。

　　「康樂名駒」告達理試八百米，從容淡定，腳步輕快，連拼未疲，操養確有一手。

　　「幸運紀錄」楊明綸試八百米，步幅開得闊，肌肉現線條，饒富暗火，九分光景。

成功年代彈力十足

　　「成功年代」副練試八百米，馬身脹卜卜，落腳有彈性，生氣復現，近況殊佳。

　　「一定爆」蔡明紹試千二米，走來快慢隨意，體健神清，進度滿意，一切對辦。

　　「沙貝利」助手試四百米，腳步硬朗，身形壯碩，體力猶充沛，未見低落。

　　「超力駒」副練試八百米，以勁勢撲過終點，走來似模似樣，精神爽利，長期見好。

　　 「財運」助手試四百米，蹄姿爽朗，勁力均勻，馬身紮實，觀感上與贏馬時差不多。

　　「搖滾雄風」助手試八百米，走勢暢順，落腳轉輕，神色亦好，予人印象不錯。

　　「愛睦善」助手試八百米，翻步靈活，雙目有神采，操養得宜，絲毫未見疲態。

　　「零距離」湯智傑試八百米，神清步爽，勁力比前增強，頹氣漸消，有復甦跡象。

　　「紅旗勇將」白德民在草地試八百米，奮力增速，腳法兇悍，末段有易放難收之勢，及時催起。

　　「鋼志」潘頓、「跑得叻」賴維銘聯袂在草地試八百米，前駒落後五、六乘起步，沿途加速追趕，最後一程拍住廐侶纏鬥，未分勝負，惟腰身生硬，仍未及水準。