高清睇跑馬：快樂無窮1200最醒

魑魅魍魉

　　第三場四班1000米。「鷹之團」初出已被捧成大熱，幕後自視極高，然而出閘緩慢失了先機，早段推騎用了不少力氣，結果氣量差少少，末段未能同「星運俊爵」抗衡，大熱門僅跑得亞軍，雖與後駒同屬三歲馬，但「星運俊爵」當時已跑過數場，該仗又比佢少負六磅，力拼僅負雖敗猶榮，何況「星運俊爵」隔仗再贏後升上三班。

　　至總場次515四班1000米「鷹之團」小休復出繼續備受熱捧，老實講真係熱得過分，事關整個二月僅操三課，且埋門未曾試閘，狀態頂多得七成下仍跑得第二，別忘記頭馬「勁闖駒」再出於三班繼續上名，且「鷹之團」上仗跑出56.89秒，是今季四班田草1000米第二快時間，下周一仍配柏寶爭同程，可開勝門。

　　第五場四班1200米。「快樂無窮」一月首次角逐同程已跑得好。而在總場次343田草四班1200米，雖只跑第四，卻是高水準賽事，三甲馬「進取」、「風雲武士」及「皇仁勁駒」，之後全部有馬贏。該役「快樂無窮」仍在試馬階段，結果在巫斯義胯下前置跑得接近。「快樂無窮」之後試過增程改攻谷中一哩，因路長而敗，上仗終於跑番同程，果然再次有好表現，𢓭上如飛殺入Q腳，排外檔留前鬥後，卓利轉彎唔走外檔，蝕位唔多發揮不俗，可惜步速太慢，頭兩段為24.8及23.3秒，劣勢下仍造出全場最快末段21.73秒，證明此程最醒，今次舊路重遊，係時候贏番場。

Sam