千鈞萬馬：好利利唞夠出招

魑魅魍魉

　　暫時告東尼以56W居練馬師榜首，大摩則以一W之差屈居第二，反而上屆冠軍蔡約翰卻表現沉寂，暫得41W排第四，以此馬房兵力而言，得此成績未算理想，有理由相信將會展開新一輪攻勢，不妨追落後。

　　昨文已提過出爭短途錦標的「富貴金龍」可留意，但其實尚有其他蔡廐馬值得一敲。推介出爭第四場三班1200米的「好利利」，上季六戰取得兩冠一亞兩季，早已顯示坐擁過人之質；今季跑過三仗卻全部大敗，表現令人洩氣。有見及此，蔡約翰索性安排牠小休，今次唞近半年再出，操練工夫由頭做起，早前試泥閘末段拖實下仍有走勢，似乎已回復了角逐興趣。

　　事實上，「好利利」休出表現特佳，上季初兩戰未勝後，亦曾休近五個月才上陣，結果即在田草1200米挫「蜚聲」打開勝門，今番蔡約翰故技重施，顯然有心謀交代，近績差兼排在14檔起步，必會換來合理賠率，值得一博。另外，出爭第六場四班1400米的「添福駿驥」亦要留意，前仗在田草1200米力壓「薄荷糖」入Q，後駒剛戰已順利贏馬，賽績夠硬淨。「添福駿驥」上仗再爭同程擊敗「良辰美景」開齋，雖僅勝頸位，但贏來似難實易。今次出爭65分為上限的四班賽，可謂佔盡便宜，要再贏一仗冇難度。

耀鈞