金石盟專欄：橫亨活力充沛

魑魅魍魉

　　昨晨最後試跑，出跳馬比預期為少，草地千八米開放供馬匹試跑，惟只得一匹上陣馬參試，無甚睇頭。

　　「橫亨」韋達試千二米，走勢爽朗，活力充沛，情緒集中，早已操好的一駒。

　　「喜相逢」副練試八百米，落腳輕快而有力，神采奕奕，已係季內最靚一次。

　　「大旋風」鄭雨滇試八百米，步伐整齊有力，馬身粗壯紮實，狀態起得恰到好處。

　　「京城精英」賴維銘試四百米，口勁收斂，神生火旺，進步神速，漸入佳境。

　　「漸信良駒」韋達試八百米，步幅開得闊，體格強健，連拼未疲，保養有一手。

紅旗勇將從容淡定

　　「紅旗勇將」助手在草地試八百米，走來從容淡定，有點火氣，觀感尚不太差。

　　「浪漫添馬」副練試四百米，輕描淡寫下完成，出腳暢順，馬身壯碩，未見低落。

　　「鑽飾彩虹」副練試八百米，過直路神閒氣定，腳步輕快，體力已復，近況不俗。

　　「日月暉華」都爾試八百米，助手策「田園名駒」相伴，前駒落後乘多跟隨，直路上均加快速度，「日月暉華」從未上前挑戰過，並非力有不逮，只係示人以弱的伎倆，體健神清，勇態持續有餘。

夢仙腳法嫻熟

　　「夢仙」韋達試千二米，腳法嫻熟，收身上力，進度一日千里，予人印象甚佳。

　　「易搏贏」副練試八百米，以勁勢撲過終點，出腳靈活，健康穩定，好過上賽。

　　「輕輕鬆鬆」黎海榮試八百米，清風送爽而回，勁力均勻，神色亦好，觀感仍佳。

　　「天鷹」賴維銘試八百米，按韁任馳，腳頭硬朗，體力冇問題，堪稱老而彌堅。

　　「新三刀王」副練試八百米，蹄姿爽朗，毛色隱隱透光澤，進度滿意，有點轉機。

　　「和諧大使」柏寶試八百米，馬身飽滿紮實，腳勁增強，頹氣已消，狀態攀升。

　　「金獅駿將」助手試四百米，衝刺頗勁，走來似模似樣，惟總覺進展不大。

　　「哈哈大少」杜利萊試八百米，身材紮實，腳步爽朗，體力已告復原，漸有起色。

　　「陽光普照」普萊西試八百米，身長步大，過直路不浮不躁，成熟程度勝前時。