慕遜護級搶食漢堡

港陌

14/05/2011


上面提過法蘭克福正同禾夫斯堡、慕遜加柏爭護級，不過朱楓認為慕遜最後至少會取得一席留級附加賽資格，事關呢支老牌球隊近況大勇，中場馬高列奧斯仲踢到曉飛，今晚作客有勁多主力等離隊嘅漢堡，2.3倍客W值捧！




慕遜加柏近況弗到爆，對上5場取得4勝1負，近3場更全勝兼未失1球，當中中場馬高列奧斯更連續兩輪入波，今季德甲入波總數突破10球，有呢位今個月尾先滿22歲嘅超新星壓陣，加上巴西射手迪甘馬高復出掛帥，火力都咪話唔勁。




相反漢堡自唔愁降班後，近排表現大跌Watt，上周打和利華古遜後更加錄得6場不勝，前鋒雲尼斯達萊同中場薛羅拔圖等7名主力更宣布季尾離隊，加上中場查洛林坐波監，唔使大敗已偷笑啦！