C朗首球抵過買皇馬W

港陌

21/05/2011
文： 自由恆

西甲賽會愈來愈識做生意，當知道煞科日個別比賽已經變得無關痛癢，只係安排護級組賽事同時上演，巴塞同皇馬嘅比賽都分拆去獨立時段作賽，等大家今晚可以專心見證C朗創造歷史。




C朗今季破盡紀錄，聯賽已經入咗38球，歐洲金靴獎基本上到咗手，今晚皇馬喺主場迎戰篤定包尾降班嘅艾美利亞，C朗只要入多一粒，就會成為西甲史上入波最多球員，單係呢股動力，今晚皇馬即使開到「-2」，「讓球主勝」都冇可能拗頸買對家。




補時照搏撐埋下一隊入球




不過講到底，最抵買可能都係C朗嘅首名入球，事關佢嘅隊友都相當識做，唔單止唔會爭射死球，有黃金機會更寧願造就C朗入波，首球有3倍都真係抵玩過1.77倍「讓球主勝」。如果肯捱夜玩即場，不妨喺80分鐘打後整多注皇馬下一隊入球，事關皇馬一眾戰將近仗都出奇咁唔錫身，C朗更連續兩場喺補時階段入波，真係抵大家由頭撐到尾。（now632及660台周日凌晨2:00直播）


Battle精選


足球重心




基斯坦奴朗拿度（首名入球）

皇馬（下一隊入球＠80分鐘）

馬膽推介

6場6 紅旗勇將

首戰輸淋地未能作準，上場即刻復現真身，唔係貼住欄跑都彈到甩晒贏馬，喺谷草短途嚟講都算少見，今仗配合大摩攻勢而來，轉戰沙田都未驚過。