殘弱「阿伯」有難

猪拉多纳

22/05/2011
文： 牛奶仔

今晚英超伯明翰將作客熱刺踢護級生死戰，不過熱刺亦要為來屆歐霸盃資格努力，睇番伯明翰傷兵滿營，頹勢之餘仲要作客搶分只怕有心無力，捧熱刺1.44倍主勝！（有線61及廣東體育周日晚11:00直播）


近6次主場對賽W 5次


伯明翰依家同黑池及韋根同得39分，3隊連同得40分嘅布力般流浪及狼隊，5隊將會有2隊降班，伯明翰和波亦難保護級成功，因此今仗肯定會以3分為目標。可惜伯明翰近期個勢頹到爆，近5場聯賽只係拎得1分，今仗佢哋仲有「長人」施積同馬田斯一對箭頭因傷缺陣，加上麥法頓同史葛丹恩等傷兵又未好番，今仗個陣殘到你唔信。




對家熱刺上周擊敗利物浦反超對方1分，今仗只要贏波，就可以獲得來屆歐霸盃資格。事實上，熱刺除咗實力高「阿伯」一截，傷兵情況亦大有改善，家陣只係剩番加里夫巴利一件長期十字軍，強陣出戰，加上佢哋近6次主場鬥伯明翰足足贏咗5次，今仗唔難開W。