搵食Battle：海軍鬥水兵博威爾斯主勝

港陌

25/05/2011
文： 自由恒

N年前嘅英國本土四角錦標賽，實力較次嘅北愛、蘇格蘭及威爾斯，都以打敗英格蘭為榮。賽事停辦27年之後，3支英倫弱隊可能都想過吓捧盃癮，搞咗個叫Nations Cup嘅四角賽，不過就搵嚟已獨立多年嘅愛爾蘭，取代事忙嘅英格蘭參戰。


賽程安排離譜


英國本土四角錦標賽於1984年停辦，除怕咗當時嘅足球流氓外，賽期擠迫亦係主因，時至今日嘅Nations Cup，足球流氓雖然大減，但賽期就更塞車，加上冇咗最多捧場客嘅英格蘭，基本上注定失敗。其實賽程安排又幾離譜，主辦國愛爾蘭尋晚踢完後，要隔5日先有比賽，反而威爾斯今晚喺中立場鬥完蘇格蘭，過兩日又要對北愛，難怪新帥史必發晒牢騷。




講番場波，由於威爾斯近8戰輸7場，世界排名跌出百位，今場睇嚟落於下風，但由於雙方各有主力退隊，論人腳其實海軍鬥水兵，最有睇頭嘅對碰，已經係威爾斯中場艾朗藍斯大戰蘇格蘭嘅查理阿當，倒不如博威爾斯新帥史必開齋，直取3倍主W，話晒兩年前對賽蘇格蘭都吞過3蛋。（開賽時間：周四凌晨2:45）


Battle精選


足球重心：威爾斯（主勝）




馬膽推介：3場3 御將軍




上次落住大雨跑馬就乜嘢事都可以發生，不過啱啱停咗雨轉戰快活谷，就幾難唔利內欄，「御將軍」今次排得黃金1檔，前面又有「輕輕鬆鬆」同埋「常山鳳寶」開路，形勢靚到暈，主要對手「聚有盈」又執外檔，真係集有利條件於一身。