東京殘陣難贏不死鳥

港陌

28/05/2011
文： 拆彈部隊

日乙向來多陷阱，好多朋友唔敢玩，不過，只要肯花時間細心分析，總會搵到好嘢。今次有場波推介畀大家，京都不死鳥主場對FC東京，東京作客讓波好似好醒咁，其實暗藏殺機，呢場可捧「讓球主勝」。 （周六下午3時開賽）




FC東京有唔少球星，被捧為日乙星級球隊，所以經常孭飛。不過，球隊演出同名氣完全不相符，開季七戰贏兩場，成日都累街坊。其實東京人腳唔曳，衰在多傷兵，射手平山相太、柏度祖尼亞、高松大樹、中場米本拓司及羅拔圖等全部有傷，個陣咁殘見到都唔開胃。




京都不死鳥降班後表現持續低沉，相信今場被睇淡原因，不過，呢班波屬正宗「主強客弱」球隊，聯賽作客全敗，對住北九州向日葵都輸得，不過，佢哋喺主場仍然保持不敗，水準唔差，今次仲有得受讓，盤口着數到暈，「讓球主勝」值得一試，進取啲博埋主Ｗ都得！


蜀葵主場受讓筍


另一場日乙水戶蜀葵主場對鳥棲砂岩，大部分莊家開出砂岩作客讓平半至半球，個盤睇落非常硬淨，引咗唔少人玩上盤。不過，做人幾時都唔可以齋睇表面，蜀葵今季主場未輸過，踢落相當對辦，加上以往主場對砂岩戰績不落下風，受讓值得留意。