荷甲附博精英隊贏多鋪

猪拉多纳

29/05/2011
文： 自由恒

為咗增加收益，各地聯賽都相繼喺季後增設附加賽，就連英超賽會都放聲氣希望引入歐聯資格賽，畀4至7名球隊參與，不過英格蘭已經夠多波踢，好難喺季尾另覓檔期，已經有既得利益嘅豪門亦都Say No，相信英超都幾難搞Playoff。




反觀有多年附加賽經驗嘅荷蘭聯賽，近年卻縮減Playoff規模，過往首回合即使贏夠半打，次回合輸番1球，都要進行第3回合，費時失事，依家規定只踢兩回合，唔少球隊喺首回合贏到盡，好似精英隊（左圖左）日前就喺Game1作客贏乙組嘅靴蒙特5:1。


首回合靴蒙特主場輸1:5


睇番今屆嘅荷蘭甲組資格賽，發現乙組仔都幾唔夠班，6場同甲組隊嘅對戰只取得1和5負，相信首回合已經輸夠1:5嘅靴蒙特，造訪精英隊都係要輸多鑊甘，2.1倍「讓球主勝」屬正路之選。（開賽時間：周日晚8:30）




賽制：採主客兩回合淘汰制，今輪為次回合，若兩回合總比數相同，作客入球較多一隊勝出，再和則在次回合後加時。若加時入球數目相同，由客隊勝出，倘若加時沒有入球，則以互射十二碼決勝。


Battle精選


馬膽推介




4場9 勁闖駒

第4場好明顯係東廐嘅「延續美麗」同埋「勁闖駒」對峙，論時間同姿態當然以前者佔優，但近仗都搏得好盡，特別係上場轉戰快活谷，全程蝕到盡用力超多，受讓11磅嘅「勁闖駒」相對較穩健。