南韓夾熟起塞

魑魅魍魉

03/06/2011
文： SAMVO肥叔

韓職近期籠罩假波陰影，今次國際檔期南韓國家隊都有份比賽，有人擔心球員作戰情緒受影響，不過呢班南韓國腳個個要爭上位，希望可以出國搵食，仲點會搞搞震吖！事實上，韓職造假之人多數係過氣球員或奀星，好少牽涉大牌球星，所以大家唔使太多顧慮。




講番今次推介，先睇熱身賽「太極虎」南韓主場對塞爾維亞，捧主隊！南韓向來愛面子，喺主場出戰例牌踢高幾班波，呢班球星依家大熟大勇，而且夾慣夾熟，等閒之輩好難贏到佢哋。塞爾維亞今次唔多齊腳，而且球員喺季尾踢太公波缺乏鬥志，就算受讓都信唔過，一於捧南韓！（周五晚７時開賽）


羅馬尼亞極沉捧對家


同日歐國盃外圍賽Ｄ組羅馬尼亞主場對波斯尼亞，兩隊走勢一起一落，羅馬尼亞分組賽五戰得五分排尾二，出線機會唔大，呢班波近年愈踢愈差，絕對信唔過。另一邊廂波斯尼亞四戰得七分，仲有機會力爭上游，鬥志肯定較佳，加上球隊進步快，今場受讓有利，呢隻下盤有計！（周六凌晨２時開賽）




另外，Ａ組奧地利主場對德國，奧地利實力只屬有限公司，但喺主場踢落唔算太差，對住榜首球隊德國並非全無反抗能力，考慮到德軍攻力強，今場捧大盤最好。


肥叔心水


南韓 上盤




波斯尼亞 下盤

奧地利 大盤

比利時 上盤

白俄羅斯 下盤