當路雲服役銀河盛轉衰

魑魅魍魉

03/06/2011
文： 阿當K神

聽朝場美職聯獨腳戲，西岸一哥洛杉磯銀河會喺主場迎戰東岸勁旅華盛頓聯隊，銀河雖錄得4連勝，但今仗缺少征戰國際賽嘅首席射手當路雲，面對同樣走勢凌厲嘅華盛頓聯隊相信難以言勝，寧要2.5倍「讓球客勝」。（now633及660台周六早上11:00直播）


華盛頓聯隊交手旺開和


銀河連續6場保持不敗，近4場更錄得全勝，睇落個勢頭非常之勁。不過再睇真啲，佢哋近3場勝仗都只係煲魚生粥僅勝1:0，贏得唔多夠說服力。今場銀河最大嘅隱憂，莫過於首席射手當路雲被美國徵召咗去踢國際賽，此子包辦咗銀河近8場聯賽13個入波中嘅8粒，重要性顯而易見，今場銀河冇咗佢真係隨時波都唔識入，況且守將李安納度同前鋒安祖仲因傷缺陣添，真係好易盛極而衰。




華盛頓聯隊上場作客擊敗波特蘭伐木者，近4場聯賽保持不敗，喺聯賽榜更攀上東岸第4位，士氣如虹。再睇埋往績，兩軍近5次交手賽和咗3次，華盛頓聯隊今仗仲要有首席射手查理戴維斯傷愈復出，絕對有力趁對方陣容不整搶分而回。