俄羅斯復仇W趁早買

港陌

04/06/2011
文： 力奇

歐國盃B組亂過亂世佳人，家陣小組6隊波入面，前4隊僅相距2分，出線形勢極度緊湊。上仗意外作客悶和阿美尼亞嘅俄羅斯，今晚返番主場再鬥呢支3線球隊，仲點會失分？賽前俄軍主力前鋒艾沙維仲特意提早成個星期，去到辛尼特跟操保持狀態，鬥志唔使懷疑，強陣出擊唔難大勝，我捧1.5倍「讓球主勝」！（開賽時間：周六晚11:00）


阿美尼亞唔夠班


俄羅斯上輪意外失分，即時令到形勢大混亂，家陣佢哋同愛爾蘭、斯洛伐克同得10分，阿美尼亞就少2分排第4，想爭出線，仲邊有失分空間？事實上，俄羅斯世界排名18，阿美尼亞係62，兩隊波根本唔同班，阿美尼亞上次偷到雞搶1分，今次去到俄羅斯主場仲點會有運行？




再者，今場波會喺俄超勁旅辛尼特個柏度域斯基球場舉行，之前喺英超收咗咧嘅阿仙奴前鋒艾沙維，就即時搭路去到呢度跟操，認真程度爆燈。睇埋俄羅斯今次大軍名單，仲重召番莫斯科火車頭左閘恩巴爾夫，陣容更見完整。前線佢哋有艾沙維拍住柏夫里約真高嘅英超鋒線，面對今屆賽事突然神勇、但始終戰鬥力唔算突出嘅阿美尼亞，主隊要大捷應該冇乜難度。