金石盟專欄：享耆成鋒芒畢露

猪拉多纳

　　昨晨出跳馬細水長流，七時後多位外籍騎師到場，場面才稍為熱鬧，草地千八米開放供馬匹試跑或彈閘，益增睇頭。

　　「享耆成」韋達、「文武精神」楊明綸聯袂在草地彈閘，前駒躍出最快，半程後徐徐帶離，贏四、五乘而回，腳法利落，彈力充盈，鋒芒畢露；「文武精神」表現相形見絀，進度似好非好，八分光景左右。

　　「聖迪達」助手試四百米，拉到馬頭左搖右擺，神生火旺，狀態已係季內最靚一次。

　　「飛騰」吳嘉晉試八百米，助手策「駿馬精英」佔先乘多帶放引導，轉入直路已並肩疾馳，爭持下未分勝負，外檔的「飛騰」身輕步爽，衝刺挺勁，仍具作戰水準。

　　「馬主光輝」潘頓試千二米，步幅開得闊，勁力雄渾，與上名時比較，不遑多讓。

讚賞新勝猶勇

　　「讚賞」蔡明紹、「喜綵」助手同在泥地彈閘，前駒應聲而出，三扒兩撥便帶離廐侶，贏八九個馬位而回，動作靈活，火氣充裕，新勝猶勇；「喜綵」因非短途馬，故跟來吃力，近況亦難與盛時相提並論。

　　「雙妙星」助手試四百米，姿態從容不迫，腳步硬朗，操養得宜，老而彌堅。

　　「勁飛駿」助手試八百米，全程大力拉實，過終點稍鬆韁繩，餘勢猶強，衝到八百起步點才收停，續有進步。

　　「白蹄烏」賴維銘試千二米，潘頓策「千杯不醉」相伴，前駒採取主動佔先乘多帶放，最後三百米受到挑戰，輕輕推騎下抗衡，以頸位見負，走勢比前暢順，懶性大減，在進步中。

新三刀王出腳爽

　　「新三刀王」潘頓在草地試八百米，按韁任馳，出腳爽朗，上勁起力，予人印象不錯。

　　「風雲」副練、「業盛於和」助手相偕在草地彈閘，並駕齊驅，最後一程「風雲」稍稍佔先，試來似模似樣，頗為墜手，在冒起中；「業盛於和」落腳仍重，未在狀態。

　　「美猴王」安國倫在草地試八百米，四蹄揮灑自如，有火有力，肌肉結實，長期見好。

　　「創佳績」助手在草地試八百米，緊韁扣實，走勢硬朗，體格強健，老而未頹。