歐聯作客成魔之路

猪拉多纳

14/09/2011


曼聯以往歐聯作客成績一向麻麻，以06/07球季為例，六場歐聯作客輸四場，當中仲包括哥本哈根、些路迪等弱隊，但近年曼聯發憤圖強，已克服「作客病」，上屆歐聯作客更錄得不敗兼一球不失佳績！


上屆5勝1和0失球


曼聯上屆歐聯踢咗六場作客賽事，取得五勝一和佳績，除作客同馬賽互交白卷外，其餘五仗全勝兼冇失球。其實曼聯近年歐聯作客成績相當平穩，自07/08球季開始，四屆歐聯作客加埋都係輸得一場，就係09/10球季八強作客不敵拜仁慕尼黑，所以賓菲加今場想偷佢哋雞都幾難！