拜仁首輪少失拖

猪拉多纳

14/09/2011


過去七屆歐聯，拜仁慕尼黑只有07/08年度球季冇份參賽，睇番其餘六屆，拜仁首場分組賽都可以旗開得勝兼冇失波，對上一次未能打響頭炮，已經係○三年，當時作客同安德列治打和一比一。




拜仁喺呢六場比賽之中，兩場主場固然贏得輕鬆，就算另外三場作客及一場中立場，都順利全取三分兼不失，所以預料今仗到訪西班牙，對球隊發揮影響唔大。值得留意該六戰之中，有五場開出半場和，而三場作客都係贏一比○。