曼城大盤益里

猪拉多纳

14/09/2011


尋日中秋節補假，大家有無叉足電通宵睇歐聯呢？除咗尋晚之外，今晚戲碼都好有睇頭，曼巿雙雄分途出戰，曼聯飛去葡萄牙對賓菲加，而曼城就留番喺自己地頭迎戰拿玻里！呢兩隊波可以話係今季歐洲最正氣球隊，喺英超叮噹馬頭拍住上，但相比兩隊今晚比賽形勢，我對曼城就更有信心啦。




曼城喺歐聯A組對拿玻里，兩軍都未踢過改制後嘅歐聯，雖然同組仲有維拉利爾同拜仁慕尼黑，但睇落曼城唔似係參與咁簡單，今季應有點作為。




早幾日曼城作客韋根時，阿古路真係好似用咗叮噹嘅法寶咁，大演帽子戲法，嗰股入球氣勢擋都擋唔住，連帶迪斯高近四場都有三場有士哥，再睇曼城近況，個個球員都着晒火，入球停不了，兼且曼城近十場主場賽事全勝，入廿四球只失一球，普通球隊真係好難頂得住。


拿玻里未夠班


拿玻里雖然開季第一場作客贏到切塞納，但級數始終同曼城有一段大差距，曼城贏波都係意料中事。拿玻里近十場作客六場不勝，加上意甲啱啱開咧，好多球員都未上力應戰。曼城今晚贏波機會極高，小妹會小注大包圍買埋大比數波膽，1.7倍入球大當然都走唔甩啦。




（有線64及204台周四凌晨2時45分直播）