米高巴斯圖斯養傷 里昂迎皇馬勢危

猪拉多纳

30/10/2011
文： 力奇

嚟緊周中又係歐聯擔大旗，其中會喺D組再遇皇馬嘅里昂，雖然話返到主場出戰，但一樣有唔少隱憂，上輪佢哋作客巴拿貝就輸咗0:4，今次仲會有快翼米高巴斯圖斯養傷，難怪佢哋個主勝賠率會冷到5.48倍，睇死佢哋頂唔住大勇嘅銀河艦隊。


波歷克鼻骨骨折或倦勤


另邊廂E組嘅利華古遜上輪主場反勝華倫西亞2:1，家陣以3戰6分排次席，出線前景樂觀。佢哋昨晨憑住老將波歷克取得回流德甲後嘅首個入波，喺聯賽作客以1:0擊敗弗賴堡，可惜佢踢到下半場20分鐘，就因為同對手相撞，鼻骨骨折被調離場。利華官網話仲未決定鬥華倫出唔出佢，一旦冇咗呢個精神領袖，利華真係有危機o架！