保頓主場受讓筍

猪拉多纳

26/11/2011
文： SAMVO肥叔

西甲勁旅皇馬近期個勢確實好犀利，周中於歐聯輕取對手，贏來不費吹灰之力，姿態非常驚人。呢支名氣球隊長期扯飛，不過，今次返到聯賽對住同市死敵馬德里體育會讓到兩球，個盤實在太誇張喇，場波假假哋都係打吡戰，馬體會實會搏命，呢場可博下盤，兼顧大盤。




講番今次重心推介，英超保頓主場對愛華頓，捧主隊！保頓季初表現好曳，連場輸波之後，一度被唔少莊家視為降班熱門，不過，經過一輪調整後，依家已經好番好多。事實上，保頓主場威力甚強，早前曾經大炒史篤城，絕對唔講得笑，今次對住愛華頓，主場有得受讓平半，個盤真係抵玩到不得了，下盤博得過。




（有線204及304台周六晚11時直播）


諾域治可勝昆士柏


同日另一場英超賽事諾域治主場對昆士柏流浪，又係要主隊！兩支升班馬今季同樣踢得唔曳，相比之下，諾域治主場表現更加硬淨，早前於另一場升班馬對決贏過史雲斯，演出絕對合格，以目前情況睇，大有機會完成護級任務。昆士柏流浪作客失波數字高，今次只係受讓平半，個盤唔多抵玩，一於捧對家！




（有線305台周六晚11時直播）


肥叔心水


史篤城 上盤

多蒙特 上盤

保頓 下盤

諾域治 上盤

西布朗 大盤

阿仙奴 上盤

馬德里體育會 下盤、大盤