競賽會撲菲踢自由盃

猪拉多纳

12/12/2011
文： 笛子波童

阿甲賽制好複雜，除咗降班要計近三年聯賽平均分，五個下屆自由盃參賽資格亦有必要交代清楚。上季秋季聯賽冠軍沙士菲及今季盟主小保加已奪兩席，另外一席會畀今屆喺南球盃成績最好嘅阿甲球隊，由於打入四強嘅沙士菲已有參賽資格，所以席位將落在打入八強嘅沙蘭迪兵工廠手中，其餘兩席會合計上季秋季及今季春季聯賽、總積分最高兩隊可取得資格。


沙士菲冇嘢爭等放假


摒除目前總積分最高嘅小保加及沙士菲，排第三嘅拉魯斯已肯定攞到一席，合計兩季五十五分嘅葛度爾古斯、五十四分嘅競賽會及五十三分嘅獨立隊會爭最後一席，葛度爾古斯積分有優勢，不過佢哋今季九場作客聯賽只得一勝，最後一場作客鬥拉費爾拿有失分危機。相反競賽會今季十八場聯賽只曾一敗，就算最終未能反先葛度爾古斯，今場面對已成例行公事嘅沙士菲亦有權保不敗，沙士菲讓平半，波童撐競賽會下盤。