步如飛腳步爽朗

猪拉多纳

        昨晨是最後試跑期，出跳馬不太多，七時正草地千八米開放供馬匹試跑或彈閘，惟有賽程者寥寥無幾，無甚睇頭。
        
         「步如飛」助手試八百米，腳步爽朗，過直路滋油淡定，體力冇問題，仍具水準。
        
        「好香港」白德民、「鋼志」沈集成同試千二米，前駒落後乘多跟隨，入直路均加快步伐，外檔的「好香港」望空即撲上，平分秋色，走勢靈活，情緒更集中，進步且勇；「鋼志」受到挑戰奮力抗衡到底，鬥心湧現，續好多少。
        
         「金瑞」助手試八百米，步幅開得闊，勁力均勻，連拼未疲，操養確有一手。
        
        好辣椒火冒勁增
        
         「好辣椒」巴米高試八百米，拉到口擘擘，走來似模似樣，火冒勁增，近況甚佳。
        
         「按一按」副練試八百米，走來一氣呵成，身輕步勁，神采奕奕，勇態畢呈。

         「飛躍之旅」副練試八百米，走中檔而回，步伐整齊，彈力增強，九分左右。
        
         「一團威」巫斯義試八百米，灑開大步過終點，腳步輕快，雙目有神采，未見走樣。
        
         「連利福星」安國倫試八百米，按慢走返，腳頭硬朗，神閒氣定，老而彌堅。
        
        「錢程萬里」助手試四百米，沿途躍躍欲試，神生火旺，與上名時比較毫不遜色。
        
        「威仔皇」都爾試八百米，直路上自動增速，衝刺力強，頗為生猛，長期見好。
        
         「好著數」助手試四百米，姿態從容，落腳有彈性，觀感上並無不妥，近況頗佳。
        
        友瑩果身強體壯
        
         「友瑩果」韋達試八百米，緊韁扣實，身強體壯，有火有力，贏馬後保持勇健。
        
         「幸運多寶」白德民在草地試八百米，動作矯健，神清步爽，彈力充盈，勇況更盛。
        
        「怡情養勝」郭能、「的確好靚」助手結伴在草地試八百米，前駒先放兩三乘，後駒按實跟隨，最後一程「怡情養勝」愈跑愈快，完全未受過挑戰，惟欠點銳勢，進步不大；「的確好靚」中段跟不上且被拋離多個馬位，步短力弱，毫無好感。
        
        「站站名牌」助手在草地試八百米，輕巧有餘，雄渾之勢不足，進度徘徊不前。