王子弗爆騷Quali 科隆射爆緬恩斯

猪拉多纳

13/12/2011
文： 亨格比利

由於球證拉法迪上月喺酒店企圖自殺，所以科隆對緬恩斯場德甲就改期至今晚補賽，對於作客嘅緬恩斯嚟講真係嚟得唔合時，事關剛啱有靈魂人物艾雲舒捷斯打柴，造訪科隆睇怕難逃一敗，平手盤要主隊。（開賽時間：周三凌晨3:30）


緬恩斯靈魂打柴


緬恩斯今夏有賀治比同舒賀爾尼離隊，教練圖切爾焗住由433轉為4231陣式，班手足亦慢慢開始適應，近4場德甲錄得2勝2和，當中更有砌低拜仁慕尼黑嘅佳績。弊在中場靈魂艾雲舒捷斯上仗對漢堡整傷膝部，隨時要明年先可以復出，呢位奧地利指揮官今季已經攻入5球兼交出3次助攻，緬恩斯冇咗佢梗係大劑啦！




主隊科隆近期嘅焦點係「王子」普多斯基，呢位德國國腳會唔會喺1月離隊仲係未知數，但有樣嘢可以肯定，就係佢今季弗到爆，至今已經攞到13個「士哥」，今晚隨時又「騷哥利」。再講，科隆主場出擊不嬲Sharp醒，近5仗就贏咗4場，今仗要攞3分唔難吖。