馬主論戰

猪拉多纳

        超群名駒食尾胡
        
        大摩剛啱爆咗隻「四季」食尾胡，今季呢個馬房行精兵制，但成績仍企得住。
        
        今晚摩廐出兩駒，我睇好尾場「超群名駒」，上場響田草1400米後上如箭跑第二，證明響現評分隨時可勝，今次轉嚟谷草上陣，可再幫大摩食尾胡。
        
        另外推介第四場「雪米糍」，上場初跑谷草一樣追得好，場地性能唔使擔心，增程跑一哩應該更啱佢發揮，可以順利贏番一仗，值得捧場。
        
        張敬山
        
        友瑩果賽績硬淨
        
        文家良剛啱起孖兼捧盃，認真威水，今晚繼續吼實佢啲馬應該冇錯。推介第二場「鑽飾彩虹」，上場以鼻位輸畀「日月暉華」跑第二，運氣差咗些少，今次繼續由杜利萊操刀，應該有權贏馬補中。
        
        另外，第七場隻「友瑩果」亦好有留意價值，早排同「皇帝法令」、「熊英雄」、「紅旗勇將」及「佳同」等惡馬火併都唔見得輸蝕好多，響三班一定有着數。
        
        任達華
        
        首飾達寶遇弱旅
        
        韋達剛戰停賽復出即起孖封王，一於再捧佢啲坐騎。推介第五場「首飾達寶」，今季演出無疑令人稍失望，但今次轉嚟谷草上陣，對手實力差一截，話唔定可以重開勝門。
        
        另外鍾意尾場「點石成金」，上場增程跑谷草一哩已試準氣量，今次再爭此程，睇嚟蔡神仙認為呢隻馬跑中距離啱啲，韋達走位向來機警，排外檔都值得吼實。
        
        寇鴻萍、梁廷鏘