拉素搶分斬瓜切塞

猪拉多纳

09/02/2012
文： 巨高

意甲獨腳戲由拉素主場對切塞納，上半季拉素以作客演出較佳，但近期攤路已轉，主場一樣交出好表現，近七次主場取得五勝兩和不敗佳績，二月初更曾擊敗爭標球隊AC米蘭。拉素今季決意爭奪前三名，希望出席來季歐聯，強隊有戰意當然值得看好，巨高今場捧「讓球主勝」。（周五凌晨3時45分開賽）


拉素於一月放走法國前鋒施斯，唔少球迷都覺得可惜，但原來老隊長洛基依然有料到，故球隊入球能力未有因施斯離開而減弱。最重要係射手高路斯完全擺脫傷患，今場可以正選身份落場，要撕破切塞納防線唔難。再配合主場三連勝氣勢，切塞納都幾難有運行。

切塞納球星冇料到

雖說切塞納於一月轉會市場羅致多名球員，包括梅度、馬里奧辛坦拿及伊亞昆達，不過埋班時間尚短，未必能夠發揮出應有威力。再講，上述幾位球員其實早已過氣，踢多兩季隨時收山，對切塞納有幾大幫助好成疑問。


翻查往績，拉素近兩次對切塞納同樣小勝一球，包括首循環作客贏二比一，今場贏面好高。不過，目前主W熱至1.4倍，菠菜價值唔高。切塞納後防甩漏多，早前作客羅馬曾輸一比五，之前造訪烏甸尼斯亦試過大敗一比四，今場畀拉素狂攻未必頂得住，捧「讓球主勝」！