拿玻里爭盃飛沙劈錫

猪拉多纳

09/02/2012
文： 巨高

意大利盃四強首回合，錫耶納主場對拿玻里。睇番今季四強球隊，錫耶納實力應為最弱，拿玻里自然成為受惠者。其實錫耶納晉級過程未遇過真正強隊，今場鬥拿玻里好蝕底。縱然拿玻里客場演出欠穩定，但憑着較佳質素，作客都捧得過，客W有賠率值得留意。（周五凌晨3時45分開賽）


兩隊於一月曾於意甲對賽，當時錫耶納與拿玻里打和一比一。不過今次為盃賽場合，錫耶納未必會咁叻仔，事關錫耶納仍要為護級努力，以其有限人腳，好難再投放資源喺盃賽當中，佢哋打入四強已算超額完成，相信老闆及球迷都唔敢有太大期望。

錫耶納留力護級

至於拿玻里今季對盃賽甚為重視，起碼教練馬沙利都肯派主力如卡雲尼落場。留意到自馬納當拿離隊之後，拿玻里已超過廿年冇捧過意大利盃，反正爭歐聯及意甲機會唔高，退而求其次爭番隻意盃都唔出奇。


跟住睇埋往績，拿玻里近六次作客錫耶納未嘗一勝，完全畀對手剋死。不過，六戰全屬聯賽，今次打盃賽完全係兩回事。拿玻里近三戰不勝，對上兩場都交白卷，一眾攻擊主力谷埋一肚氣，今次對住弱旅錫耶納將會盡情發洩，大有機會反客為主，客勝有2.15倍博得過！