錫耶納拿玻里做「細」界

猪拉多纳

09/02/2012
文： 走肖

意大利盃4強首回合今晚繼續打，錫耶納今晚喺主場對拿玻里，捧入球細最過癮，原因好簡單，現時錫耶納仲護緊級，而且火力向來係有限公司，唔似撻得着，撞啱拿玻里最近入球數字回落，兼且連續2場食白果，追入球細穩陣過買客W。（開賽時間：周五凌晨3:45）

拿玻里有心爭盃

錫耶納先後淘汰拖連奴、卡利亞里、巴勒莫同基爾禾殺入4強，表面睇走勢唔錯，但其實錫耶納喺聯賽唔多掂，長期喺降班邊緣徘徊，而且近5場未試過單場入多過1球，主要靠聯賽攻入9球嘅射手卡拿奧食胡，目標咁大梗係易嘜啦，對住拿玻里想入波唔容易，自己有利開入球細。


至於喺意大利盃贏過切塞納同國際米蘭嘅拿玻里，睇排陣對呢隻盃仔都幾重視，至少射手卡雲尼對上2圈都有份落場兼入波，不過咁，4強有兩回合要應付，呢場拿玻里可以睇定嚟食，更何況佢哋近2場喺聯賽對切塞納同AC米蘭，都係互交白卷收場，既然唔似搏殺格，就住踢入球細啱數吖！