小保加頭炮打得響

猪拉多纳

10/02/2012


新一季阿根廷甲組秋季聯賽周六早上開鑼，頭炮由春季冠軍小保加打頭陣迎戰奧林普，小保加除咗保留去季冠軍人馬，同時加入幾名極具質素嘅生力軍，整體實力有增無減，要砌低春季僅得尾二嘅奧林普相信唔係難事，主勝穩開。




傳統勁旅小保加上季在冠軍教頭法斯安尼領軍下，以全季不敗姿態成功封王，並以12分優勢拋離次席競賽會，奪標極具說服力。球隊今季除保留一眾主力如施維坦歷治、韋亞迪及列基美，亦得到前阿甲神射手坦基施華及柏保路列迪斯馬加盟，就算需要兼顧南美自由盃，以目前板櫈深度亦無需要擔心，今場係新一季開鑼戰，當然想喺主場球迷面前贏波打響頭炮喇。


奧林普唔夠班


小保加中場列基美同法斯安尼近日又開火互轟，不過呢對冤家上季初亦出現類似情況，最終咪又係和好如初、協議「停火」齊心打江山，相信呢類傳聞對軍心影響不大。對手奧林普上季春季聯賽僅得兩勝，雖然球隊欲由學生隊借用舊將迪亞高加雲救亡，不過呢位翼鋒右膝有傷，即使過到體測亦做唔到及時雨，睇怕客軍今仗都係凶多吉少。




推介︰小保加主勝