|
|
10/02/2012
對於今季要護級嘅聖羅倫素來說，首輪聯賽便要作客拉魯斯絕非好事，事關拉魯斯係近季阿甲表現最穩定球隊之一，而且對上7次碰頭拉魯斯共取得6勝1和壓倒性優勢，聖羅倫素想搶分難度極高，今場捧拉魯斯主W。
阿甲降班制度係計算球隊過去3年聯賽平均分，排名最低兩隊直接降班，尾三及尾四則會和乙組第3、第4名踢附加賽去決定甲組席位誰屬，聖羅倫素目前排平均分榜尾三，只比尾二嘅堤格雷多0.1分，深陷降班危機。聖羅倫素自從贏過08至09年春季冠軍後，近年成績長期積弱，上季19場春季聯賽輸咗10場，輸波次數係聯賽第二多，表現並不可靠。
近7次碰頭贏6次
拉魯斯於平均分榜排第4，足以反映佢哋過去3年聯賽成績相當穩定，而且佢哋對上7次面對聖羅倫素取得6勝1和，心理上未踢先贏一仗。拉魯斯陣中除有前意大利國腳甘莫蘭尼斯助陣，兩名前鋒殺手列古路及曉高柏禾尼均曾於西甲打出名堂，實力非凡，進攻火力有保證。
雖然拉魯斯下周中於自由盃出戰巴西勁旅法林明高，不過連續兩場都於主場出擊，免除舟車勞頓，反而為壯行色，相信今場會全力搏殺，唔會有保留，主W可捧。
推介︰拉魯斯主勝
|
|
金睛卡
发表于 2012-2-10 11:55
变色卡
显身卡