|
|
16/02/2012
今場賽事焦點肯定係馬德里體育會教練施蒙尼，呢名四十二歲阿根廷名宿喺球員時間曾經効力過這兩間球會，並帶來不少榮譽，今仗係施蒙尼首次以領隊身份帶隊踢歐洲賽，仲要重回拉素主場羅馬奧林匹高球場，肯定百般滋味在心頭。
現時仍然有不少拉素球迷視施蒙尼為偶像，呢名阿根廷中場於99至03年効力拉素期間，曾為球會贏得99年歐洲超級盃，翌年更成為意甲、意盃及意大利超級盃三料冠軍，現時拉素嘅球會博物館仍然放置咗唔少關於施蒙尼嘅物品，可見佢受歡迎程度。
兩間球會Icon人物
不過，施蒙尼喺94至97及03至05年兩度効力馬德里體育會時，亦成為球會Icon，為馬體會贏得96年西甲及西班牙盃冠軍。今年接手馬體會後，喺聯賽取得三勝三和，而且一球不失，帶領球會由第十一位升到上第六。
施蒙尼表示，現時各為其主，自己唔會手下留情：「多謝拉素畀過我嘅榮譽及回憶，尤其要多謝球迷一向對我嘅愛戴，但我必須要為我嘅工作負責任，現時我係馬體會教練，我必定全力以赴，以擊敗對手為目標。」
|
|
金睛卡
发表于 2012-2-16 13:08
变色卡
显身卡