彭拿路超班可響勝「古」

猪拉多纳

16/02/2012
文： 安高

南美自由盃H組聽朝有阿甲葛度爾古斯主場迎戰烏拉圭勁旅彭拿路，客隊貴為上屆亞軍，上屆兩鬥葛度爾古斯都能凱旋而歸，今次再遇，安高睇唔出換帥冇耐、仍處摸索階段嘅主隊有能力贏波，彭拿路受讓一球梗係捧1.82倍「讓客」啦！（開賽時間：周五早上8:30）


葛度爾古斯易帥未夾慣


彭拿路上屆殺到入決賽先不敵山度士，整體實力絕對唔嘢小。大軍今仗雖有前鋒洛迪迪高莫拿因傷缺陣，但仲有前祖雲達斯箭頭薩拉耶達孭飛。呢個前烏拉圭國腳上年暑假加盟以來，入球率極高，為球隊上陣13次就入7球，今仗會係主隊心腹大患。




另邊廂嘅葛度爾古斯，今季改由阿根廷名將龐比度喺舊年12月接過帥印，直到上周日阿甲重開先係首次正式領軍，作客逼和沙士菲，算係收貨啦！不過，隊長中場奧美度上輪停賽，今仗雖可復出，但預計會先任後備，冇咗佢喺中場校炮，加埋拍檔迪亞維拿同時缺陣，攻守都受到影響，要讓波似乎危危乎喎！