斟緊大茶飯國米誓炒博洛

猪拉多纳

17/02/2012
文： 巨高

AC歐聯大爆發，同市宿敵國際米蘭則希望在周六凌晨意甲聯賽尋求翻身。國米近期陷入低潮，不過巨高總唔相信「藍黑兵團」會一直沉淪，今仗主場面對實力較次嘅博洛尼亞，相信國米有力反彈怒炒對手，「讓球主勝」值得捧場。




（now 633周六凌晨3時45分直播）




國米連續五場不勝，唔只班主莫拉堤詐晒型，連球迷亦向愛隊喝倒采，部分激進fans更走到國米總部抗議，要勞煩警方勸喻離場，故國米亟需一場大勝，去平復不滿情緒。




班主莫拉堤最近正與阿拉伯財團密斟，準備將中東油資引入球會。莫拉堤家族搞開石油生意，與中東商家關係極之密切，去年仲拉大隊到當地做親善訪問，團隊中包括前意大利門將托度及葡萄牙名將費高等。為博取阿拉伯財團好感，當然要贏波省靚招牌。




另外有小道消息指，國米仍與俄超球隊辛尼特最大贊助商俄氣有聯絡，如果國米交唔到好成績，又點夠牙力同呢間石化資源公司傾合作大計呢！


雲尼亞里「飯碗戰」


仲有，唔少海外媒體都爆出莫拉堤有意換帥，考慮人選包括卡比路、保亞斯及哥迪奧拿。現任國米教練雲尼亞里為飯碗而戰，真係要使出十成功力，誓搵作客失分率頗高的博洛尼亞開刀。