法蘭克福打吡拳來腳往

猪拉多纳

18/02/2012
文： ComboKing

阿King今次重心推介德乙打吡戰，法蘭克福主場對FSV法蘭克福，講牌面無疑係「大佬」法蘭克福勝一籌，但畢竟係同市大戰，相信「細佬」FSV絕對唔會輕易束手就擒，就算輸亦要輸得有體面，雙方進攻意欲都強，入球大屬過關佳選。（周六晚8時開賽）




兩隊同樣成立於1899年，但法蘭克福早FSV五個月創會，成就亦遠超「細佬」，即使雙方現時都喺德乙比賽，法蘭克福係爭升班分子，而FSV只能為護級而戰，所以今場主W熱到得1.21倍可以理解。法蘭克福自信食住FSV，今仗梗係主攻求三分。


FSV當弗入到波


不過FSV歇冬之後，搶分護級嘅鬥心明顯增強，近兩仗共攞到四分，目前士氣相當不俗。球場係英雄地，相信冇球隊願意永遠屈居對手之下，FSV難得操弗狀態，當然想打破被「大佬」剋死嘅局面，踢法應會傾向進取博爆冷。事實上，兩隊近四次交手，全部開大，而且每場總入球都係四球或以上，大盤值得再追。




另一場德乙波琴主場對柏林聯，波琴喺射手鄭大世離隊之後，攻力並冇受影響，因為兩位中場乾貴士及費達歷高都有出色表現，上仗作客輸畀聖保利，只因有球員被逐，以致寡不敵眾，今仗返回主場，有望重響勝鼓。葡超基維辛迪主場對布拉加，基軍近期成為巨人殺手，先後擊敗波圖同士砵亭，今仗仲有得受讓，捧「讓球主勝」。